Marín celebra este venres o Día da Liberación lembrando a resistencia da vila e as Alarmas do Morrazo ao exército francés, naquela xesta ocorrida en 1809.

Ás 19.00 horas, levará a cabo a ofrenda floral e o recoñecemento ás Alarmas do Morrazo e a Gago de Mendoza no monólito de Augusto Miranda, con actuación musical do grupo folclórico Os Chaneiros.

A continuación, o Museo Manuel Torres acollerá ás 19.30 horas a entrega do Premio Liberación de Marín a Xullo "Chicho" Montoto Sobrado e a José Ramón Pérez Gómez "Morgan" polo seu labor á fronte do colectivo Amijos e Visiños de Cantodarea, clave na dinamización social do barrio durante décadas.

Monólito de Augusto Miranda e Museo Manuel Torres, de Marín

Máis eventos

Ver máis eventos