Conferencia do deseñador Javier Jaén

A Facultade de Deseño acolle unha conferencia do deseñador e ilustrador editorial Javier Jaén, considerada unha das figuras clave da ilustración e o deseño gráfico contemporáneo.

Aberta ao público, esta conferencia terá lugar no sétimo andar do Edificio Administrativo da Xunta de Galicia na rúa Benito Corbal e inicialmente formaba parte da programación do I Congreso Internacional de Creatividade, promovido polo Campus Crea. O relatorio leva por título Greetings from Javier Jaen Studio, que é tamén o título do libro que fai balance da traxectoria deste deseñador barcelonés.