O Día Internacional da Infancia representa e reivindica os dereitos das nenas e nenos na vida, educación e saúde, facendo fincapé na dignidade persoal. Co gallo de celebrar estes valores para a infancia, coma cada ano, desde Afundación, Obra Social Abanca, organiza un programa de artes escénicas para familias en todas as súas sedes. 

En Pontevedra, Píscore trae a mellor música e moito humor para un concerto único nunha proposta que se enmarca na liña de grandes espectáculos que mesturan o virtuosismo musical e os ritmos coa comedia xestual, o clown e a participación do público.

Catro prestixiosos músicos fronte a un gran conflito: 16 baquetas e unha soa marimba. Están dispostos a facelo soar da maneira máis orixinal e impactante. Organizarse xa non será tan doado...

Máis eventos

Ver máis eventos