A Deputación de Pontevedra leva este sábado 21 de decembro o circuíto +Escénicas ao concello de Poio co espectáculo de teatro 'Aldea musical de Nadal', de Nelson Quinteiro.

É unha actividade de teatro familiar e musical con percusión corporal, percusión con elementos pouco convencionais, axóuxeres, campás, campaniñas e un feixe de instrumentos.

Os habitantes desta Aldea Musical contarán como é a súa vida nun lugar máxico e sorprendente onde sempre é Nadal. O arranxo polifónico das voces, a instrumentación, a súa caracterización e mais o emprego dunha fórmula de creación do espectáculo baseada na musicoterapia educativa leva a escena unha montaxe entrañable e tenra para as datas de Nadal.

Carpa Poio Máxico, instalada en A Seca. Poio

Máis eventos

Ver máis eventos