Xoves Santo: Procesión dos Pasos, en Pontevedra

As sete confrarías de Semana Santa de Pontevedra participan este Xoves Santo na Procesión dos Pasos.

Percorrerán as rúas da cidade o Paso da Última Cea, da Confraría da Maior Dor; o Paso da Oración de Xesús no Horto e o bico de Xudas, da Confraría da nosa Señora do Amor Fermoso; o Paso de Xesús Cautivo e o Paso da Flaxelación, da Confraría do Silencio; o Paso de Xesús atado á columna, da Confraría do Corpo Santo; o Paso do Ecce Homo, ou a Coroación de espiñas, da Confraría do Espírito Santo; o Paso de Cristo coa Cruz ás costas, da Confraría do Noso Pai Xesús coa Cruz ás costas; e o Paso do Santísimo Cristo da Expiración e a Virxe da Soidade, da Confraría da Vera-Cruz e Misericordia.

Sairá ao oito da tarde desde a Basílica de Santa María, e percorrerá o centro histórico pasando pola Praza de España, Riestra, Oliva, García Camba, Peregrina, Praza da Ferrería, Soportais, Manuel Quiroga, Don Filiberto e Alhóndiga, antes de regresar ao momento de partida.

Centro histórico de Pontevedra