O Cineclube Ádega programa para este xoves día 4 de abril o filme indio de recentísima estrea "La luz que imaginamos" (All we imagine as light).

Esta película está escrita e dirixida por Payal Kapadia, e ven de acadar moitos dos premios máis importantes do ano, como o Gran Premio do Xurado en Cannes ou ser elixido mellor filme estranxeiro pola Asociación de críticos de New York, Los Angeles e Chicago. 

Payal Kapadia estreouse nas longametraxes de ficción con este drama social de corte naturalista, que fala das luces, as sombras e os soños de dúas mulleres nunha metrópolis como Mumbai, convertida no filme nunha gran gaiola onde a liberdade é aparente, máis ligada á imaxinación e aos soños que a realidade. 

Pase de balde para socios e entrada reducida a 2,5 euros para o resto do público, por tratarse dunha nova colaboración coa Filmoteca de Galicia. 

Salón García, Vilagarcía de Arousa

Máis eventos

Ver máis eventos