Dende que no ano 2004 o Seminario Permanente de Jazz (SPJ) de Pontevedra, creara un ciclo de concertos no que se potenciaba aos novos valores do jazz galego chamado Jazz no Principal, este formato foi un dos principais responsables da boa saude que amosa o jazz no noso país. 

Para esta sábado 5 de abril está programada a actuación de Tomás Merlo & SPJ Group (Tributo a Jaco Pastorius).

Tomás Merlo é un baixista mallorquino afincado en Madrid que se dedica profesionalmente á música desde hai xa moitos anos. Compaxina a súa faceta de artista en solitario coa de docente e músico de xiras. Aínda que está titulado en grao superior en contrabaixo (especialidade Jazz) polo conservatorio de Amsterdam, é deses poucos músicos que se atopa cómodo en estilos moi diferentes e que ademais domina igualmente o contrabaixo, o baixo eléctrico e o Chapman Stick.

Tomás Merlo ten unha longa traxectoria como músico de directo, realizando xiras por todo o mundo xunto a artistas como Joan Manuel Serrat, Chick Corea, Michael Brecker, Jerry González, Rez Abassy entre outros.

Como músico de sesión gravou en estudo con artistas tales como Federico Lechner, Israel Sandoval, Patax, Julius Pastorius, Randy Bernsen e un longo etc

Na súa actuación no Teatro Principal de Pontevedra Tomás Merlo estará acompañado de Luis Felipe Fernández (saxo alto), Javier Abraldes (guitarra), Mateo Sestelo (piano) e David Taboada (batería).

Teatro Principal de Pontevedra

Máis eventos

Ver máis eventos