A derradeira función da obra Invisibles de Redrum Teatro porá o ramo á programación municipal do 8 de Marzo.

A obra, dirixida por Marián Bañobre, esta baseada no libro homónimo da xornalista Montse Fajardo, que relata historias reais de violencia de xénero, sufridas por sete mulleres galegas.

Bañobre tamén asina, xunto co dramaturgo Santiago Cortegoso, a adaptación do texto orixinal.

Invisibles relata historias reais de violencia de xénero de sete mulleres galegas e está protagonizada por tres actrices galegas moi coñecidas polo gran público: Sheyla Fariña (Acacias 38, Rapa), Mela Casal (Mareas Vivas, Fariña) e Neves Rodríguez (Serramoura).

Desde a súa estrea en 2018, a obra acumulou numerosos premios e recoñecementos, entre eles tres María Casares: á mellor dirección, mellor adaptación e mellor iluminación.

Teatro Principal, Pontevedra

Máis eventos

Ver máis eventos