A Escola Municipal de Música "Bernardo del Río" organiza unha ponencia sobre harmonía e improvisación impartida polo músico José Antonio Acuña Fernández.

Será o vindeiro venres 4 de abril na sala de concertos do centro e a entrada é gratuita e aberta ao público en xeral, grazas á colaboración do Concello de Vilagarcía, a ANPA Atril e ao propio interese do profesor.

A actividade está dirixida a todos os interesados, previa inscrición. Iso si, terán preferencia de prazas os alumnos da Escola Municipal de Música. O programa da masterclass será o seguinte: conceptos básicos para desenvolver un vocabulario musical propio; a melodía como base para a improvisación; harmonía básica aplicada ao arranxo de melodías e a interpretación de temas coma Tenor Madness, Cedar's Blues, Birk's Works, Mambo Influenciado, Blue Bossa, etc.

Trátase dunha oportunidade única para aprender dunha figura moi relevante no panorama musical galego. Acuña Fernández dirixiu dende 2003 a Escola Municipal de Música de A Coruña.

Nado en Pontevedra en 1952, toca a guitarra, o piano, o saxo, o clarinete e o baixo. É licenciado en Jazz Studies, Harmonía, Arranxos, Composición e Improvisación pola Guildhall School of Music and Drama, de Londres. A música jazz é a súa especialidade, o que o levou a participar en numerosos festivais nacionais e internacionais, coma o Edimburg Jazz Festival (1988) ou o Brentwood Jazz Festival (1989). Tamén colaborou con importantes músicos da talla de Scott Stroman, Norma Winstone, John Taylor, Duncan Lamont, Don Rendell, Jean Toussaint, Alec Dankwort, etc.

Escola Municipal de Música "Bernardo del Río"

Máis eventos

Ver máis eventos