O documental A última dorna de Ons do fotógrafo Anxo Cabada e do músico Antón Davila proxectarase este venres 4 de abril, ás 19:30 horas, no auditorio Emilia Pardo Bazán de Sanxenxo.

Os protagonistas deste documental son os habitantes de Ons, e en especial Césareo Patiño, o último mariñeiro que nunca abandonou a illa.

Coa última dorna que queda en Ons, Césareo realiza un percorrido polas antigas técnicas de pesca do polbo que permitiron manter unha economía de subsistencia na illa.

O documental sobre o Ons inmaterial, de 30 minutos de duración, contou co apoio do Parque Nacional Marítimo Terrestre das Illas Atlánticas, da Xunta de Galicia, do Plan de Recuperación e Resiliencia e dos fondos Next Generation da UE.

Tras a proxección haberá unha actuación de Portonovo Canta.

Auditorio Emilia Pardo Bazán, Sanxenxo

Máis eventos

Ver máis eventos