Licenciado en Publicidade e Relacións Públicas pola Universidade de Vigo. Defínese como un xornalista en continua formación. Iniciou a súa carreira profesional na redacción de informativos de Radio Pontevedra (Cadena SER) e Localia Televisión Pontevedra, traballo que compaxinou coa corresponsalía da Axencia Galega de Noticias (AGN) en Pontevedra.

Entre 2008 e 2012, formou parte da redacción de informativos da Televisión de Galicia, destinado primeiro na Delegación de Pontevedra e posteriormente nos seus servizos centrais de San Marcos (Santiago de Compostela). Traballou tamén en varias axencias de comunicación e productoras e é un dos fundadores de AGARESO (Asociación galega de reporteiros solidarios), unha ONG de comunicadores.