Laura da Silva, Titimoki, ven de editar recentemente o seu segundo libro titulado 'Paco Peco Pequeneiro e o lagarteiro miope' con Edicións Xerais. Historia de Xelís de Toro, que como conta, foi especial xa que de nena lía leste mesmo conto, ilustrado por Andrés Meixide. Estudou un Ciclo Superior de Educación Infantil e neste foi onde se produciu o punto de inflexión. Un profesor chamado Borja e unha ilustración de Francesco Tonucci foron os causantes da súa actual dedicación profesional. Con este precedente chegou ao Garaxe Hermético de Pontevedra.
A súa música favorita tamén vén dunha formación con nome de personaxe de ficción: Vetusta Morla. Tráenos unha ampla paleta de cor musical, desde a delicadeza da banda sonora de 'Amelie', pasando pola reivindicativa Nina Simone, ata a rotundidade rockeira de Extremoduro.