O Teucro confirma a fichaxe de Irene Vilaboa, primeira muller que dirixirá un equipo na División de Honra Prata masculina
Por Diego Espiño
A decisión da comisión deportiva estaba tomada desde hai máis dunha semana, pero non foi ata última hora deste mércores que se fixo oficial a súa fichaxe.
Irene Vilaboa será a próxima adestradora da Sociedad Deportiva Teucro, o que a converterá na primeira muller que dirixe a un equipo na División de Honra Prata masculina.
O club pontevedrés, nun conciso comunicado, confirmou o acordo coa técnico, que conta cunha ampla traxectoria en diferentes bancos galegos, tanto masculinos como femininos.
Na súa última experiencia Vilaboa estivo á fronte do Bueu Atlético 7 tempadas, na Primeira Nacional, ao que se suma o seu paso polo Balonmán Porriño na División de Honra Feminina ou no Atlético Guardés. Tamén formou parte do corpo técnico da Federación Galega de Balonmán como seleccionadora galega absoluta feminina e da Federación Española, concretamente na selección junior feminina.
O seu salto ao banco do vicedecano do balonmán nacional será un reto maiúsculo para a adestradora viguesa, que deberá dirixir a un equipo ao que sempre se lle esixen resultados nun ano que traerá consigo unha importante redución orzamentaria provocada pola crise sanitaria.
Non estará soa, e é que ao seu lado estará a súa irmá Rosa Vilaboa, coa que compartiu diversas experiencias nos bancos e que no curso recentemente finalizado traballou como segunda de a bordo de Luis Montes no Teucro, ao que agora Irene releva no cargo.
Relacionadas:
-
Irene Vilaboa é recibida na Subdelegación do Goberno como referente da igualdade no balonmán
Por Redacción |
-
A Xunta destaca o traballo do Teucro en favor da igualdade por ser pioneiros en contratar unha adestradora
Por Redacción |
-
Un grupo de ex-xogadoras do Teucro traballa na creación dun equipo sénior feminino
Por Diego Espiño |
-
O Teucro presenta a Irene Vilaboa: "Non a contratamos por ser muller, contratámola pola súa valía"
Por Diego Espiño |
-
O Teucro valora non sacar equipo en Primeira Nacional debido á redución orzamentaria
Por Almu Dapena |
-
Irene Vilaboa chega ao Teucro con "ilusión" e sen verse como pioneira: "a pregunta é por que non hai máis mulleres neste posto"
Por Diego Espiño |
-
O Asmubal Meaño feminino, novo proxecto para Luis Montes
Por Diego Espiño |
-
A Xunta Xestora do Teucro pospón sen data as novas eleccións á presidencia
Por Diego Espiño |
-
Irene Vilaboa é a elixida para dirixir o Teucro a próxima tempada
Por Diego Espiño |
-
O Teucro e Luis Montes separan os seus camiños
Por Redacción |