As sancións entran en escena no Pontevedra
Por Diego Espiño
Non todo son boas noticias para o Pontevedra Club de Fútbol tras iniciar 2019 cun dos seus mellores encontros da tempada, vencendo o Castilla, confirmándose por pleno dereito como aspirante aos primeiros postos.
Luismi, a pesar de non repetir habitualmente once inicial, parece ter dado coa tecla da estabilidade no equipo, tendo ata a data que afrontar só algunha baixa por lesión, como os casos máis importantes de Álex Fernández e Javi López.
Con todo iso cambia agora coa entrada en escena das sancións. Durante toda a primeira volta os granates só se viron afectados polas suspensións ante as expulsións de Adrián León e David Castro en dúas ocasións, pero en ningún caso por acumulación de amoestacións.
Esta situación provocou que varios futbolistas situáronse ao bordo da quinta amarela que carrexa sanción, chegando os primeiros dous xogadores a esa barreira coincidindo co último encontro da primeira volta.
Dúas amarelas mostrou o colexiado do duelo ante o Castilla a xogadores do Pontevedra, a Berrocal e Álex González, e ambos cumprirán un encontro de sanción o vindeiro domingo ante Unionistas de Salamanca se Competición confirma na súa reunión do mércores o contido da acta arbitral.
Ademais atópanse en 'capela', ao bordo de cumprir ciclo, Adrián León, Campillo e Pedro Vázquez.
Relacionadas:
-
Un xogador de banda, prioridade para o Pontevedra no caso de fichar
Por Diego Espiño |
-
O Pontevedra resiste en inferioridade e asina un empate sen goles ante o Navalcarnero en Copa
Por Diego Espiño & Mónica Patxot |
-
Javi López pasa polo quirófano e xa pensa na súa recuperación
Por Diego Espiño |
-
A Copa Federación regresa como escaparate para a segunda unidade
Por Diego Espiño |
-
O adestrador do Real Madrid Castilla négase a comparecer en rolda de prensa tras perder ante o Pontevedra
Por Sofía Lorenzo |
-
Tres goles como tres 'Reis' para un Pontevedra que varre ao Real Madrid Castilla (3-0)
Por Diego Espiño & Diego Torrado |
-
De Madrid a Pontevedra por amor a unhas cores
Por Diego Espiño |