O Foro Galego da Familia esixe ao goberno de Pontevedra que retire inmediatamente a pancarta sobre o aborto
Por Redacción
Dende o Foro Galego da Familia emitiuse un comunicado no que se esixe ao goberno local de Pontevedra que retire a pancarta que o pasado venres 24 de xaneiro foi instalada por varios concelleiros co Alcalde á fronte no balcón da Casa Consistorial.
Segundo este colectivo a institución municipal non pode ser unha plataforma para manipular e ideoloxizar a cidadanía, impoñendo a súa visión totalitaria e convertendo a súa opinión na de todos os cidadáns de Pontevedra. No comunicado consideran que se trata dunha usurpación das institucións con intereses partidistas, ademais dunha absoluta falta de respecto ao pluralismo da sociedade pontevedresa e sinala que "o pancartismo institucional é unha demostración de abuso de poder".
O texto continúa sinalando que "non se pode manipular nin adoutrinar dende o frontispicio do Pazo Municipal nin a muller nin á cidadanía. A muller sempre é a primeira vítima do aborto, por iso é acredora dunha información intelixible e veraz. O aborto nunca é gratuíto. ÿ un inmenso drama humano sobre todo para a muller. Co aborto só se lucran as clínicas abortistas que agora ven perigar o seu lucrativo negocio".
Relacionadas:
-
O balcón do Concello seguirá expresando a súa opinión
Por Oskar Viéitez |
-
O Foro da Familia ve "dobre moral" do PSOE na pancarta do aborto e "usurpación de edificios públicos"
Por Redacción |
-
A Plataforma polo Dereito ao Aborto condena o "ataque" de asociacións "retrógadas e ultracatólicas" ao Concello
Por Redacción |
-
Hazte Oír "colapsa" o e-mail da Alcaldía esixindo a retirada da pancarta do aborto
Por Alejandro Espiño |
-
A reforma do aborto equipararía, segundo o BNG, a Rajoy con Franco en retrocesos "tan brutais" para as mulleres
Por Alejandro Espiño |
-
Animan os pontevedreses a dar "un golpe potente na mesa" contra a "retrógrada" lei do aborto
Por Redacción |