Louzán define coma un "manchón" o aparcadoiro disuasorio fronte ao Estadio de Pasarón
Por Oskar Viéitez
O presidente da Deputación, Rafael Louzán, definiu como un "manchón" o estacionamento disuasorio habilitado no barrio do Burgo, na parcela lindeira co estadio de Pasarón, e que está operativo dende este xoves.
Louzán recordou que este espazo, duns 3.000 metros cadrados, esta concibido para ser unha zona verde e dignificar a entrada ao Estadio de Pasarón, e non está habilitado para o estacionamento. "Paréceme unha falta de coherencia e de planificación do Concello de Pontevedra", dixo.
O Concello elaborou un proxecto de urbanización dunha zona axardinada nesta parcela que estaba valorado en 298.000 euros. "Unha vez máis vese a falta de concreción do goberno de Pontevedra que dixera que tiña un proxecto para unha zona verde e que ia consultalo cos veciños para facelo. Agora pódese comprobar que todo era unha farsa, unha mentira, non teñen absolutamente nada, non teñen a financiamento para elo despois de cinco anos de obras", indicou Rafael Louzán.
Ademais o presidente da Deputación recordou que sendo o pavimento de terra, xa que ao tratarse dunha zona verde non se pode asfaltar, "veremos como os días que chove aquilo se converte nun lodazal", como acontece co aparcadoiro fronte o Pavillón de Deportes.
"Os cidadáns do barrio de Pasaron merécense unha actuación de acordo co número de habitantes que ten aquela zona, unha vez máis o Concello de Pontevedra os olvida e convirte aquilo nun lodazal", insistiu o mandatario popular. "Creo que queda un gran manchón", concluíu.
Relacionadas:
-
Jacobo Moreira insta a Antón Louro ou a Luis Bará a que "urbanicen en condicións" a parcela de Pasarón
Por Redacción |
-
A chuvia converte ao aparcadoiro de Pasarón nunha lameira
Por Redacción |
-
Os aparcadoiros disuasorios prepáranse para as compras do Nadal
Por Redacción |
-
O estacionamento temporal do Burgo abrirá durante esta semana
Por Redacción |
-
Pasarón contará, temporalmente, cun aparcamento disuasorio con capacidade para 130 vehículos
Por Alejandro Espiño |
-
O "abandono" da parcela de Pasarón centra de novo as críticas do Partido Popular
Por Diego Espiño |