Sacrifican un cabalo que o seu dono tiña desnutrido e moribundo nun cortello de Barro
Por Redacción
En avanzado estado de desnutrición. Así atopou a Garda Civil a un cabalo en Barro. O seu dono, que o mantiña moribundo e en condicións precarias nun cortello, está a ser investigado por un delito de malos tratos animais.
O instituto armado, a través do Seprona, recibiu unha alerta a través do teléfono 062 no a que se informaba das críticas circunstancias nas que se atopaba o equino.
O animal estaba nunhas deplorables condicións hixiénico-sanitarias nun galpón en ruínas contiguo á vivenda do seu propietario.
O cabalo estaba semienterrado no seu propio esterco e coas patas dianteiras aprisionadas entre o muro que facía de peche e un dos postes do enreixado da cuadra.
Coa axuda de varios veciños, os axentes lograron rescatar ao animal e procurarlle as primeiras atencións ata a chegada dunha veterinaria que, finalmente, decidiu sacrificalo para evitarlle o sufrimento que estaba a pasar
O propietario do cabalo, un mozo de 26 anos veciño de Barro, recibiu xa a notificación de investigado. Deberá comparecer no xulgado de instrución de garda de Pontevedra.
Relacionadas:
-
Investigan a aparición de tres cabalos mortos en Campo Lameiro
Por Redacción |
-
Tes animal de compañía? A lei cambiou e o Seprona e Cadeliños póñente ao día
Por Natalia Puga |
-
Liberan un cabalo en Vilaboa que tiña as patas atadas cunha corda
Por Redacción |
-
Mocións en Bueu e Marín sobre a Lei de Benestar Animal
Por Redacción |
-
Tres veciños de Campañó, investigados por ter cans en condicións "deplorables"
Por Redacción |
-
Rescatan unha egua con síntomas de malos tratos e desnutrición en Armenteira
Por Redacción |
-
Deteñen un home por maltrato animal ao atoparlle na súa leira 15 cans en situación deplorable
Por Redacción |