A Xunta pon en dúbida a unificación das oficinas turísticas da Deputación e o Concello no Palacete das Mendoza
Por Redacción
"Gustaríanme que foran ata alí para ver se están unificada", con esta frase a directora xeral de Turismo da Xunta de Galicia, Nava Castro, manifestaba as súas dúbidas sobre o funcionamento conxunto das oficinas turísticas da Deputación e do Concello no Palacete das Mendoza, na avenida de Santa María, a pesar do traslado do servizo municipal a ese edificio a finais de abril
A representante da Xunta mostraba a súa sorpresa por como se levou a cabo esa actuación que cualificou de "rapídisima" sen que se lle informara por parte da presidenta da Deputación a pesar de que mantiver un encontro con Carmela Silva horas antes dese anuncio.
Nava Castro indicou que Xunta de Galicia, Deputación e Concello levan case dous anos tentando unificar todas as oficinas no Palacete das Mendoza e por parte da administración autonómica atópanse á espera dunha resposta da asesoría xurídica do organismo provincial "por escrito" para que todas as oficinas de turismo compartan ese espazo.
A directora xeral de Turismo afirmou que se atopan á espera de asinar un acordo para que a unificación sexa real e reúna ás tres administracións de maneira que traballen conxuntamente para facilitar a información aos turistas.
Relacionadas:
-
Carmela Silva reprocha a Nava Castro as dificultades para unificar as oficinas de turismo
Por Oskar Viéitez |
-
Todos para unha e unha para todos
Por Oskar Viéitez & Mónica Patxot |
-
O Palacete das Mendoza acolle a oficina municipal de información turística de Pontevedra
Por Luca Yohan Silva Lamy |
-
A oficina municipal de turismo faise oco no Palacete das Mendoza
Por Oskar Viéitez |