Retómase a negociación do convenio na adxudicataria da recollida de lixo en Pontevedra
Por Redacción
A dirección da empresa Cespa Pontevedra, adxudicataria da limpeza e a recollida de lixo de Pontevedra, decidiu convocar ao comité de empresa para retomar as negociacións do convenio colectivo.
O encontro será o vindeiro venres 18 de novembro nas oficinas da entidade. Desta forma, retómase o diálogo despois de que non se chegou a un acordo nas últimas reunións e rompese a mesa de negociación.
Esa ruptura anterio das conversas provocara que os traballadores de Cespa iniciasen un calendario de protestas o pasado 3 de novembro, cunha concentración ante as oficinas da empresa situadas en Andrés Muruais.
Segundo os representantes sindicais, a diferenza máis importante reside na subida salarial que reclama o persoal.
Relacionadas:
-
Os traballadores de Cespa aproban unha folga indefinida do servizo do lixo
Por Redacción |
-
Representantes do persoal e a dirección de Cespa retoman as negociacións sen avances
Por Anxo Lourido & Mónica Patxot |
-
Traballadores do servizo de limpeza concéntranse para reclamar unha suba salarial no convenio colectivo
Por Anxo Lourido |