O PP de Poio propón negociar cos propietarios e ampliar o estacionamento do Centro de Saúde de Anafáns
Por Oskar Viéitez
O Partido Popular de Poio reuniuse este martes con veciños de Anafáns e usuarios do centro de saúde para falar sobre as actuacións prioritarias na zona despois de que a Xunta anunciase a ampliación do Centro Sanitario.
O presidente local, Ángel Moldes e os concelleiros Manuel Domínguez e Juan Rodríguez Grandal, abordaron as melloras na veciñanza que o Concello debería levar a cabo co gallo desta ampliación e pediron que o goberno local aproveite para solucionar o histórico problema de aparcamento.
Os veciños da zona foron máis ambiciosos "queren que esta ampliación se aproveite para humanizar definitivamente a zona", conectando o centro de saúde coa PO-304.
Os veciños recordaron que Anafans é unha das zonas que máis creceu de Poio e na que menos se investiu nos últimos anos. Ademais, lembrou Moldes, "o centro de saúde non dá servizo só a San Salvador, e unha vez ampliado vai facer falta mellorar o entorno e as infraestruturas: O centro terá máis médicos, dará máis servizo a máis pacientes... así que é o momento axeitado para poñerse mans á obra e escoitar as demandas históricas de veciños e usuarios".
Na reunión estaba presente o propietario da finca que serviría previsiblemente para a ampliación do estacionamento, chamado Raimundo, que indicou que "está disposto a negociar co Concello" para esta obra.
Moldes lembrou que a partir de outubro se coñecerán todas as partidas orzamentarias dispoñibles das distintas administracións para poder facer esta mellora.
Relacionadas:
-
O Sergas asume os gastos de mantemento dos centros de saúde de Anafáns e de Ribadumia
Por Oskar Viéitez & Mónica Patxot |
-
Unha doutora pasará consulta de Atención Primaria alternativamente en Anafáns e Combarro
Por Redacción |
-
Todos os políticos aproban unha moción para reclamar a mellora dos servizos sanitarios en Poio
Por Redacción |
-
CIG-Saúde denuncia que as esperas no Centro de Saúde de Anafáns "están a superar os doce días"
Por Redacción | Creada e actualizada
-
O Sergas estuda a ampliación do centro de saúde de Anafáns
Por Redacción |
-
Poio acometerá obras de mantemento no Centro de Saúde de Anafáns
Por Oskar Viéitez |