Os barrios de Campolongo e Monte Porreiro empezarán coa compostaxe comunitaria á volta do verán
Por Oskar Viéitez
Nos barrios de Campolongo e Monte Porreiro e na parroquia de Campañó instalaranse unha serie de composteiros para iniciar o proceso comunitario de compostaxe. Nestes momento o concello está a elaborar o prego de condicións para a súa compra, para empezar nun prazo de catro meses "á volta do verán".
Simultaneamente a este proceso, un grupo de mestres composteiros da Deputación empezou a traballar no Concello de Pontevedra para elaborar, no prazo dun mes, un Plan de Residuos para todo o municipio "como nunca se fixo en ningún concello de todo o Estado".
Este documento servirá de base para que o goberno local poida tomar as decisións máis acertadas en cuestións como a adxudicación do servizo de recollida de residuos e limpeza viaria, a ordenanza de residuos ou o deseño da futura planta de compostaxe.
Carme da Silva e César Mosquera, concelleira de Servizos e concelleiro de Infraestruturas e vicepresidente da Deputación, encomiaron a "altísima capacidade" destes mestres composteiros para desenvolver este estudo en detalle do "máximo nivel" o que supón unha "garantía de éxito" de fronte ao obxectivo que persegue o goberno local.
Trátase dun estudo "moi dinámico" que inclúe multitude de datos de distintas fontes oficiais e que leva moito traballo de rúa, polo que o Concello de Pontevedra entregoulles uns cartóns identificativos para que os cidadáns recoñezan que estas persoas están a desenvolver un estudo oficial para a administración.
Relacionadas:
-
Monte Porreiro empeza a 'compostar'
Por Redacción |
-
Xuntanza en Monte Porreiro polos composteiros comunitarios
Por Redacción |
-
Os composteiros comunitarios xa están aquí: comezan as obras para instalar os tres primeiros en Monte Porreiro
Por Natalia Puga |
-
Os veciños de Campolongo piden ao Concello sumarse á experiencia piloto de composteiros comunitarios
Por Redacción |
-
Os mestres composteiros anuncian: "é hora de traballar e remexer"
Por Redacción |
-
Representantes de múltiples colectivos, pendentes do novo sistema de reciclaxe
Por Redacción |
-
O Concello apraza a compra de composteiros para tratar de salvar a modificación de crédito
Por Alejandro Espiño |