Poio esixirá a Portos a inmediata remodelación da ponte de Covelo
Por Oskar Viéitez
O arranxo da ponte de Covelo é unha esixencia dos veciños asumida polo Concello de Poio que se atopa bloqueada pola burocracia da Xunta de Galicia.
O proxecto fora aprobado durante o goberno bipartito PSOE-BNG presidido por Emilio Pérez Touriño, e a día de hoxe aínda non empezou.
O pasado mes de decembro Portos de Galicia instalou unha caseta de obra que alimentaba a esperanza dun inmediato arranxo desta perigosa ponte, mais todo foise ao traste por un novo contratempo, do que o ente presidido por José Juan Durán, non tivo a ben informar.
As xestións da tenente de alcalde, Chelo Bicada, ante o goberno autonómico non conseguiron desbloquear esta actuación, polo que o Concello ten intención de concertar un novo encontro co máximo dirixente de Portos de Galicia para esixir o inmediato cumprimento deste compromiso.
O Concello de Poio convocou aos representantes dos colectivos da comisión de seguimento dos portos de Raxó e Covelo-Samieira a unha reunión que se celebrará o vindeiro luns 25 de xaneiro ás 20 horas no salón de plenos da casa consistorial.
Relacionadas:
-
Os veciños de Covelo e Raxó cren que Portos de Galicia estalles "tomando el pelo"
Por Oskar Viéitez |
-
A ponte de Covelo mellorará a súa seguridade este verán
Por Redacción |
-
Portos comprométese a comezar a vindeira semana as obras de construción da ponte de Covelo
Por Redacción |
-
Esíxenlle a Portos de Galicia que complete os proxectos de mellora das zonas portuarias de Raxó e Covelo
Por Redacción |