Reclaman á consellería de Educación o novo mapa escolar "que leva un ano metido nun caixón"
Por Redacción
A CIG emitiu un comunicado para criticar o recorte de profesorado, o aumento das prazas itinerantes e a falta de medios nos centros para atender a alumnos que precisan unha atención especializada. Desta forma, o sindicato nacionalista responde o conselleiro de Educación e Cultura, Román Rodríguez e ao xefe territorial de educación, César Pérez Ares que, na súa recente visita a Pontevedra anunciaron o estudo da modificación da zonificación para destinar alumnos aos diferentes colexios públicos sempre que existise consenso.
Desde a CIG Ensino afirman que todos os cursos hai problemas para a distribución do alumnado dos centros educativos e lamentan que levan anos escoitando desde a Consellería de Educación que están a traballar para facer un mapa escolar. Indican que o Xefe territorial xa lles anunciou que desde 2014 ten nun caixón esta modificación da repartición dos centros públicos negándose a facela pública.
Segundo o sindicato os conflitos xerados coa adscrición da Escola Crespo Rivas ao CEP Campolongo, débense a non ter unha planificación escolar feita e o problema actual do CEIP Barcelos encóbreno alegando que é culpa da zonificación. A central nacionalista sinala que desde a consellería non se ten en conta nin a calidade do ensino público as circunstancias particulares de cada centro e piden ao conselleiro que non veña a Pontevedra a poñer en marcha actos de propaganda.
Denuncian ademais que a consellería de Educación leva anos discriminando a Pontevedra, pechando unidades e escolas unitarias, negando a construción do novo colexio de Valdecorvos, evitando atender as demandas da comunidade escolar do CEIP de Barcelos e mantendo aulas masificadas, por encima da cociente, en varios centros como o de Marcón ou o de Lérez.
Relacionadas:
-
Así será o novo mapa de zonificación escolar de Pontevedra
Por Alejandro Espiño |
-
Que fan os do Sánchez co Crespo Rívas?
Por Oskar Viéitez |
-
O Mercado de Abastos é unha caixa de sorpresas para os nenos
Por Redacción |
-
Mil estudantes contarán cun novo plano de zonificación escolar para o curso 2017/18
Por Redacción |
-
Unha volta a Barcelos para reivindicar "o que é xusto" para o colexio
Por Alejandro Espiño |
-
Educación estuda a rezonificación da cidade para distribuir as prazas dos colexios públicos
Por Redacción |
-
Aprendendo a gozar da biblioteca
Por Redacción |