Abraldes demanda á Xunta melloras urxentes na seguridade da PO-531
Por Redacción
Mentres non se execute o proxecto de mellora da estrada PO-531 entre Pontevedra e Vilagarcía, comprometida pola Xunta de Galicia desde hai anos, o Concello de Barro cre "urxente" acometer unha serie de actuacións para solucionar os problemas de seguridade que existen nela ao seu paso polo municipio.
Así llo trasladou o alcalde de Barro, Xosé Manuel Fernández Abraldes, ao xefe territorial da Consellería de Medio Ambiente, Territorio e Infraestruturas, na xuntanza que ambos mantiveron este martes.
En liñas xerais, o alcalde pediu solucionar a falta de iluminación do macro nó de Curro, a inseguridade para o tránsito de peóns entre Curro e Meis, a perigosidade que supoñen as medianas provisionais de plástico, os problemas de seguridade que hai na rotonda pequena ao carón da igrexa de Curro ou a necesidade de construción das rotondas previstas no proxecto de mellora no cruce de Bretoña e no acceso ao polígono de Sequeiros.
Ademais, Fernández Abraldes destacou a urxencia que existe para construción do paso soterrado en Bretoña, unha actuación que o alcalde ve con "preocupación", xa que sinala que non está previsto realizar ningunha actuación a curto prazo, "a pesar dos anuncios feitos tanto pola consellería como polo anterior goberno municipal".
Todas esta actuacións serán demandadas na entrevista que o alcalde de Barro solicitará coa propia conselleira de Medio Ambiente, Territorio e Infraestruturas, Ethel Vázquez.
Relacionadas:
-
Vía libre para as expropiacións do acceso ao polígono de Sequeiros desde a PO-531
Por Redacción |
-
Ethel Vázquez segue sen atender a petición de entrevista de Barro
Por Oskar Viéitez |
-
Barro pide a Tráfico que informe a Fomento da inseguridade vial en San Antoniño
Por Redacción |
-
Os veciños esixen á Xunta a reforma da estrada de Vilagarcía
Por Redacción |
-
A Plataforma da PO-531 reclama á Xunta algunha das melloras prometidas na estrada entre Pontevedra e Vilagarcía
Por Redacción |
-
O alcalde de Barro pediu á Xunta a mellora da estrada PO-531 e a ampliación da Barosa
Por Oskar Viéitez |