Unha avenida para "unha muller valente, unha nai coraxe"
Por Cristina Saiz & Oskar Viéitez
"As cidades constrúense con formigón e asfalto, pero tamén con símbolos", así destacou o concelleiro de Obras e Mobilidade, Luís Bará, ao comezo do acto de inauguración do desdobramento da avenida de Vigo, para o que se elixiu o nome dunha Josefina Arruti Viaño, "unha muller valente, unha nai coraxe".
Josefina Arruti foi a muller do último alcalde da República, Bibiano Fernández Osorio Tafall e durante o exilio do seu marido foi encarcerada e sometida a arresto domiciliario durante tres anos. Josefina Arruti converteuse en Pontevedra en todo un "símbolo de solidariedade" con xestos como o de abrir o panteón familiar "para o enterramento de numerosos represaliados".
Un dos fillos de Josefina, José Ángel Fernández Arruti, expresou en nome da familia a "enorme satisfacción y gran honor" que senten por esta distinción.
"Este acto es un homenaje a todas las mujeres que como Josefina fueron víctimas directas o indirectas de la represión", sinalou Fernández Arruti que no seu discurso quixo facerse eco das palabras que no seu día pronunciou o socialista pontevedrés, Gonzalo Adrio, "Sin odio, sin rencor, pero con la memoria siempre viva".
Este novo viario entre o nó do Pino e a Rúa da Estación foi financiado por Fomento, dentro do convenio de obras asinado en 2009 co Concello. A obra incluíu a urbanización de parte da avenida de Vigo e a prolongación do paseo dos Gafos, entre outras actuacións complementarias.
Relacionadas:
-
As obras volven á avenida de Vigo para completar a súa reforma urbana ata O Pino
Por Alejandro Espiño |
-
Un novo parque de 3.000 metros recuperará a memoria de Amalia Álvarez
Por Natalia Puga |
-
Proxectan a reforma da zona verde entre a rúa da Estación e Josefina Arruti
Por Redacción |
-
Pontevedra homenaxeará durante todo 2016 ás vítimas 'silenciadas' da represión franquista
Por Alejandro Espiño |
-
"As mazás do cesto que teceu Montse abandonan o silencio"
Por Mónica Patxot & Natalia Puga |
-
Marea non irá á inauguración da avenida Josefina Arruti polo "desprezo" de Ana Pastor aos pontevedreses
Por Redacción |
-
Propoñen dar o nome de Amalia Álvarez, viúva de Bóveda, a un parque na Eiriña
Por Alejandro Espiño |
-
A inauguración do desdobramento da avenida de Vigo será unha homenaxe a Josefina Arruti
Por Redacción |
-
Propoñen o nome de Josefina Arruti para o desdobramento da avenida de Vigo
Por Cristina Saiz & Anxo Lourido |
-
16 mulleres emblemáticas de Pontevedra fanse visibles na Praza de Ourense
Por Redacción |