Un cento de afectados polas preferentes tenta boicotear a Rajoy ás portas da Brilat
Por Oskar Viéitez
Un cento de afectados polas participacións preferentes tentou trasmitir este luns as súas reivindicacións ao presidente do Goberno, Mariano Rajoy, ás portas da base General Morillo da Brilat en Figueirido.
Os manifestantes esperaban a Rajoy á súa chegada á base militar para comunicarse por videoconferencia coas tropas españolas despregadas no exterior, incluídas os efectivos da Brilat destacados en Afganistán e militares doutras unidades do Exército español noutros puntos de chan afgán, Líbano, Bosnia, Yibuti, as augas do Índico, Uganda e a Antártida.
A contagotas desde pouco logo das dez da mañá comezaron a chegar á a Base General Morillo da Brigada de Infantería Ligera (Brilat) en Figueirido, Pontevedra, membros das Plataformas de afectados polas preferentes e subordinadas do Baixo Miño e de O Salnés.
Non é que o Cuartel ocupe un lugar segredo nos mapas, pero moitos dos afectados tardaron en chegar porque se perderon, segundo admitiron ao chegar a Figueirido.
A súa intención era "aproveitar como altofalante" a presenza do presidente do Goberno, Mariano Rajoy, na Brilat.
Nada máis chegar dirixíronse aos responsables do dispositivo de seguridade habilitado ás portas do recinto militar para explicarlles que as súas intencións eran pacíficas, "non queremos crear problemas, só chamar a atención", afirmaron.
O despregue de forzas de seguridade era importante con nove furgóns da Policía Nacional e algunhas patrullas da Garda Civil.
Finalmente reuníronse uns setenta afectados que optaron por concentrarse ante a porta de acceso principal á Base, haciendose oir, aínda que conscientes de que por alí non entraría o presidente de Goberno, como así foi.
Mariano Rajoy entrou e saíu por outro dos accesos ao cuartel.
Tras unha hora de movilización recolleron as súas pancartas, gardaron as súas bocinas e silbatos e marcháronse.
Foi unha das "sorpresas navideñas" que programaron na reunión celebrada este sábado no restaurante Paz Nogueira de Santiago, e ao que acudiron representantes de 17 plataformas galegas de afectados polas preferentes. Haberá máis.
Relacionadas:
-
A inauguración do Museo segue pendente de Rajoy
Por Oskar Viéitez |
-
Os afectados polas preferentes celebran hoxe "a víspera dos Santos Inocentes"
Por Oskar Viéitez |
-
Un altofalante dende Figueirido a Afganistán, Líbano, Bosnia, o Índico ou a Antártida
Por Natalia Puga |
-
Mariano Rajoy volve a Pontevedra polo Nadal, pero non terá ''caponada''
Por Oskar Viéitez |