O próximo goberno local de Pontevedra adxudicará a peonalización da fronte do Hospital
Por Oskar Viéitez
O novo goberno local que saia das urnas o próximo 24 de maio adxudicará o proxecto de peonalización da fronte do Hospital Provincial.
Segundo informou o voceiro do goberno local, Raimundo González, a xunta de goberno celebrada este luns aprobou o proxecto de mellora sacándoo a licitación. O seguinte paso será a súa publicación nos boletíns oficiais para que as empresas interesadas en facerse con esta obra poidan presentar as súas ofertas.
Raimundo González estima que o inicio do procedimento de contratación será no mes de xuño, despois dos comicios municipais.
A obra ten un importe de 417.252,52 euros e consiste na peonalización completa do tramo de 90 metros lineais da rúa Loureiro Crespo, a que corresponde á fachada do Hospital Provincial.
A reforma abrangue unha superficie total de 1.200 metros cadrados para crear unha "un centro de confluencia das persoas do barrio nunha zona con deficiencia de espazos públicos". Para iso crearase unha gran praza pública con plataforma única, mobiliario urbano e arborado.
Relacionadas:
-
O Concello elixe lousas ecolóxicas para a nova praza diante do Hospital
Por Redacción |
-
O goberno local estuda eliminar o muro do Hospital Provincial para integrar o recinto na nova praza
Por Redacción |
-
Doce empresas optan á obra para peonalizar a fronte do Hospital Provincial
Por Natalia Puga |
-
A praza fronte ao Hospital Provincial adxudicarase en tres meses
Por Oskar Viéitez |
-
Crearán unha gran praza pública e peonil en Loureiro Crespo, diante do Hospital Provincial
Por Alejandro Espiño |