O orzamento municipal para 2015 ascenderá a 69 millóns de euros
Por Alejandro Espiño
69 millóns de euros. ÿ a cifra que alcanzará, inicialmente, o orzamento municipal para 2015. Así o adiantou o concelleiro de Facenda, Raimundo González, que avanzou que esta semana estará listo o borrador deste documento para comezar a negocialo cos seus socios de goberno, o PSdeG-PSOE. A intención do BNG é que, pasados os trámites das correspondentes comisións, poida aprobarse xa no pleno do mes de decembro.
Eses 69 millóns de euros son tres millóns máis que os que figuraban, modificacións posteriores á parte, no presuposto para este ano 2014. ÿ unha cifra que pode cambiar lixeiramente, recoñeceu o edil nacionalista, porque está pendente do teito de gasto que deba aplicar o Concello de Pontevedra para cumprir coa lei estatal de estabilidade presupostaria.
A grandes trazos, as principais partidas deste presuposto municipal volverán ser as de persoal (20,4 millóns de euros) e gastos correntes (29,6 millóns de euros), que experimentan pequenos aumentos. As transferencias de capital ascenderán este ano aos 4,7 millóns de euros.
O capítulo que aumenta en maior contía é o relativo aos investimentos. Fronte aos 7 millóns de euros recollidos inicialmente no presuposto deste ano, crecerá nun 54% ata alcanzar os 11 millóns de euros.
A razón fundamental, segundo Raimundo González, é que o BNG entende que facer este "esforzo inversor importante" é a mellor forma para dinamizar a economía local e facer fronte ao desemprego no municipio. Ademais sinalou que estes investimentos servirán tamén para mellorar a calidade de vida dos pontevedreses, ao incluírse proxectos que supoñerán máis equipamentos e rúas mellor preparadas.
Outra das grandes cifras deste presuposto municipal é o nivel de endebedamento do Concello de Pontevedra. A 31 de decembro de 2014, a débeda municipal ascenderá a 18.119.000 euros, o que implica unha porcentaxe do 27,59%, un nivel "moito máis baixo", dixo o edil do BNG, que a maioría das capitais de provincia do Estado español.
Relacionadas:
-
O PP presentará unha emenda á totalidade do proxecto de orzamentos 2015
Por Natalia Puga |
-
O PP critica que as políticas sociais seguen a ser a materia pendente do Bipartito nos orzamentos 2015
Por Redacción |
-
Acordo BNG-PSOE para os orzamentos 2015: "Son os mellores posibles", di Lores
Por Alejandro Espiño |
-
A negociación do orzamento municipal para 2015 avanzará de forma "importante" esta semana
Por Alejandro Espiño |
-
O PP pide ao goberno municipal unha maior transparencia na tramitación do orzamento
Por Redacción |
-
Unha modificación de crédito eleva o presuposto municipal ata os 70 millóns de euros
Por Oskar Viéitez |
-
Apróbase no Pleno, sen sobresaltos, o orzamento municipal para 2014
Por Oskar Viéitez |