Volve 'PontedeTapas' coa súa sétima edición do 28 de novembro ao 8 de decembro
Por Diego Espiño
Os locais de hostalería de Pontevedra xa preparan a que será a sétima edición de PontedeTapas.
O concurso gastronómico volve cunha edición que mantén os aspectos craves da pasada, incluída a data, xa que se celebrará desde o 28 de novembro ata o día 8 de decembro co obxectivo de superar os 52 locais participantes e as "32.000 tapas, 2.000 cócteles e impacto económico de unos 100.000 euros" do pasado ano nun mes, novembro, tradicionalmente baixo para os hostaleiros, segundo sinalou a concelleira de Promoción Económica Carlota Román.
As tapas a concurso terán un custo de 1,5 euros, mentres os cócteles poderanse adquirir a 2,5 euros.
Os locais interesados en participar no certame poden inscribirse ata o 20 de novembro a través da páxina web www.pontedetapas.eu ou en Turismo de Pontevedra, cunha taxa de 90 euros que irá destinada ao sorteo de premios do público.
Unha vez finalizado o PontedeTapas realizarase unha gala, o día 15 de decembro, na que se anunciarán os gañadores, elixidos por un xurado que contará "con dos hosteleros con estrella Michelín", ademais doutros personaxes públicos. Tamén se habilitará a categoría de premio do público, outorgado polas votacións populares.
Relacionadas:
-
Os locais de PontedeTapas levan xa máis de 12.000 tapas e cócteles vendidos
Por Redacción |
-
Pontevedra, capital mundial del tapeo
Por Redacción |
-
PontedeTapas bota a andar este venres en 45 locais de hostalería
Por Redacción |
-
PontedeTapas viaxa a Barcelona para presumir da calidade do sector hostaleiro da cidade
Por Redacción |