Covsa-EC Casas desdobrarán a avenida de Vigo por 4,1 millóns de euros
Por Oskar Viéitez
A mesa de contratación seleccionou por unanimidade como adxudicataria das obras de desdobramento da Avenida de Vigo á Unión Temporal de Empresas constituída polas construtoras locais Covsa e EC Casas, que farán a obra por 4,1 millóns de euros, asumindo unhas melloras por 1,1 millóns.
Segundo explicou o voceiro do goberno municipal, Raimundo González, a mesa de contratación descartou a proposta de Ferrovial, que obtivera inicialmente a maior puntuación. O motivo foi que a empresa non xustificou as melloras que ofertaba polo que os técnicos entenderon que o seu proxecto é "inexecutable" ao estar "desproporcionada" a proposta e incorrer en baixa temeraria.
As empresas Covsa e EC Casas comprométense a executar como melloras a urbanización do primeiro tramo da avenida de Vigo ata a rúa Luis Seoane, a construción dun carril no Nó do Pino, pasos de peóns sobreelevados, acondicionamento da avenida da Estación, a conexión de pluviais, a senda do río Gafos e un camiño peonil entre a avenida da Estación e a Avenida de Vigo. En total son seis das sete melloras formuladas.
A xunta de goberno do próximo luns ratificará esta adxudicación que será provisional ata que a UTE presente toda a documentación destes proxectos.
Raimundo González apunta que as obras poderían arrancar no mes de setembro, porque "os tempos apremian porque hai que xustificar unha importante cantidade económica" ante o Ministerio de Fomento.
Relacionadas:
-
A rúa Estación, en obras a partir de xaneiro; a Avenida de Vigo agardará ata a primavera
Por Alejandro Espiño |
-
Ratifican a adxudicación a Covsa e EC Casas das obras de desdobramento da Avenida de Vigo
Por Alejandro Espiño |
-
Dúas ofertas do desdobramento da Avenida de Vigo son "anormalmente baixas", segundo os técnicos
Por Redacción |
-
COVSA, Eiriña, Ferrovial e Dragados, 'favoritas' para executar o desdobramento da Avenida de Vigo
Por Alejandro Espiño |
-
O PP insiste en chamar Adolfo Suárez ao desdobramento da avenida de Vigo e buscará consenso
Por Redacción |
-
As ofertas para o desdobramento da avenida de Vigo péchanse en 17
Por Redacción |