A empresa xustifica agora o peche de Tafisa nos problemas económicos de todo o grupo Sonae
Por Mónica Patxot & Anxo Lourido
"O peche de Tafisa en Ponte Caldelas é unha decisión de Belmiro de Azevedo (presidente do consello de administración de Sonae) e iso é moi difícil de cambiar", así manifestaba a súa preocupación un dos representantes da parte social á saída da reunión mantida con membros da empresa no edificio de NovaGalicia Banco en Pontevedra. Este segundo encontro serviu para que dende a dirección de Tafisa se xustificase o peche da fábrica de taboleiros en Ponte Caldelas nos malos datos económicos que presenta o grupo Sonae durante os últimos exercicios.
O presidente do comité de empresa, José Manuel Moledo, afirmaba á saída que van elaborar un novo plan de viabilidade para presentarllo á empresa na próxima reunión prevista coa entidade o mércores 11. "Se han comprometido a estudiarlo" apunta Moledo, que mostraba o seu malestar porque a empresa sumou gastos á fábrica da Reigosa que non lle corresponde: "han cargado al centro de Ponte Caldelas datos que non se deben cargar alí, indemnizacións, material defectuoso... e moitos outros datos. Así claro que os números lles saen negativos".
Dende o comité lamentan que a parte empresarial siga mostrándose inflexible na negociación sobre o peche, a pesar dos datos económicos que manexan os representantes dos traballadores: "Meses atrás le presentamos un plan de viabilidade para que el centro no se cargara con tanto ERE. De aquella no había dinero para el plan de viabiliadad y ahora, meses después, sí tienen para despedir, que es mucho más costoso".
Durante as dúas horas que durou a reunión, o persoal da fábrica e representantes sindicais se concentraron na Praza de San Xosé. Un dos traballadores encontrábase "crucificado" fronte á porta do edificio do centro social de Novacaixagalicia. Moledo afirmou que continuarán con protestas durante os próximos días. Este mércores 4 teñen previsto reunirse con representantes do BNG e están a programar unha concentración na sede de Sonae en Maia (Portugal). O vindeiro mércores 11, na terceira reunión para a negociación do futuro de Tafisa, os empregados volverán protagonizar unha protesta coa simulación dun enterramento nos arredores da Praza de San Xosé.
Relacionadas:
-
Tafisa ofrece 20 traslados con rebaixa de soldo e o comité considera que é unha "tomadura de pelo"
Por Mónica Patxot & Anxo Lourido | Creada e actualizada
-
Traballadores de Linares e Betanzos concentraranse en Pontevedra en apoio ao persoal de Tafisa
Por Anxo Lourido |
-
Os traballadores de Tafisa solicitan apoios a todos os grupos políticos do Parlamento
Por Redacción |
-
O BNG pedirá a Feijóo que presione a Sonae para manter a actividade de Tafisa
Por Redacción |
-
A Xunta intentará, este xoves, presionar a Sonae e forzar a continuidade de Tafisa
Por Redacción |
-
Os traballadores de Tafisa rexeitan o plan de recolocación que propón a empresa
Por Redacción |
-
Traballadores de Tafisa xunto ás súas familias maniféstanse contra o peche da fábrica
Por Oskar Viéitez & Diego Torrado |
-
Tafisa inicia a negociación do peche e os traballadores manifestaranse este mércores
Por Redacción |