O Concello e a Deputación pactan un acordo para crear unha planta de compostaxe en 3 anos
Por Redacción
A Deputación Provincial e o Concello de Pontevedra chegaron a un acordo político para que os residuos orgánicos sexan tratados a través dunha planta de compostaxe. Este proxecto que, segundo as previsións do concelleiro de Infraestruturas de Pontevedra, César Mosquera, tardaría entre dous ou tres anos para entrar en funcionamento considera a construción dunha planta para o tratamento dos residuos orgánicos.
O obxectivo sería que o municipio de Pontevedra trasladase entre 15.000 e 25.000 toneladas ao ano a esa planta. Actualmente, segundo a información de Mosquera, Sogama trata 30.000 toneladas anuais procedentes do concello pontevedrés. A nova planta instalaríase en Pontevedra ou nun concello próximo á capital da provincia, que achegaría a metade dos orgánicos que se tratasen nesa nave de compostaxe. Neste sentido, César Mosquera indicou que xa se falara con representantes da Mancomunidade de Montes en Man Común e que existen diferentes opcións para a instalación.
O acordo entre as dúas institucións non supón que o Concello dePontevedra entre no consorcio provincial de lixos por parte da Deputación. Pero a decisión afecta á empresa adxudicataria do servizo de lixos Cespa que, segundo o concelleiro, vería prorrogado o seu contrato, que conclúe en xuño, ata que se puxese en marcha o proxecto do tratamento de residuos orgánicos a través de compost. Cando vaia a entrar en funcionamento abriríase un concurso.
Tamén indicou que se o proxecto funciona como agardan, remataría por rebaixarse a factura actual do lixo.
Relacionadas:
-
O Pleno da Deputación ratificará o venres o acordo con Pontevedra pola planta de compostaxe
Por Redacción |
-
Novo desencontro no goberno local: O PSdeG-PSOE non apoia a prórroga do contrato de Cespa
Por Alejandro Espiño |
-
Cespa amplía o seu contrato con Pontevedra ata 2017, á espera da pranta de compostaxe
Por Alejandro Espiño | Creada e actualizada
-
A planta de compostaxe conta co apoio de veciños, comunidades de montes e asociacións ecoloxistas
Por Oskar Viéitez & Mónica Patxot |
-
O PSOE abstense ante o proxecto da Planta de Compostaxe, que promoven o PP e o BNG
Por Redacción |
-
Louro cualifica de "electoralista" a planta de compostaxe, que promoven o BNG e a Deputación
Por Redacción |
-
O compost da futura planta de biomasa fertilizará os montes comunais
Por Redacción |