Moreira alerta sobre a lectura controvertida que se está a facer desde Vigo da nova Lei de planta xudicial
Por Oskar Viéitez
O voceiro do grupo municipal do Partido Popular, Jacobo Moreira, alerta sobre a "lectura controvertida" que se está a facer desde Vigo para reclamar para esta cidade a capitalidade xudicial da provincia.
Segundo Jacobo Moreira, o alcalde da cidade olívica, Abel Caballero, está a fronte da mobilización que xurdiu desde Vigo "para reclamar para esta cidade a capitalidade xudicial da provincia" aproveitando o anteproxecto de lei orgánica do poder xudicial presentado a principios de mes polo Goberno de España.
"Porque non están conformes con acoller unha subsede, nin sequera con seguir como cabeceira dun partido xudicial, senón que, como consideran difícil o establecemento de excepcionalidades provinciais, demandan directamente converterse na sede principal, é dicir, ser a capital xudicial", explica o xefe da oposición en Pontevedra.
Moreira di estar "alucinado" con feito de ser ata agora o único representante público que defendeu que a iniciativa lexislativa, porque "non só non prexudica a Pontevedra, senón todo o contrario".
Insiste Moreira que "Pontevedra é a capital da provincia e vai seguir séndoo, e polo tanto ten asignada a priori unha das sedes principais dos denominados tribunais de Instancia".
Relacionadas:
-
Moreira queda só no seu posicionamento fronte ao goberno local de Vigo
Por Oskar Viéitez & Mónica Patxot |
-
María Biempica centrará a atención do pleno de abril ao converterse en concelleira non adscrita
Por Redacción |
-
Tomás Fole tamén se rebela ante o novo mapa xudicial
Por Redacción |
-
O PSOE provincial defende a chamada á mobilización de Abel Caballero polo novo mapa xudicial
Por Diego Espiño |
-
Lores pide ao alcalde de Vigo que evite debates localistas con motivo da capitalidade xudicial
Por Redacción |