A TVG non "tomará ningunha medida" para dar máis cobertura informativa ao concello de Pontevedra
Por Redacción
A deputada do BNG, Montse Prado, preguntou durante este venres 28 na comisión de control da CRTVG polo tratamento informativo que a TVG ofrece sobre o concello de Pontevedra. Segundo a deputada se ofrece unha visión "partidista e manipuladora" dende que a finais de 2010, a TVG pechou a delegación en Pontevedra na que traballaban 25 profesionais, dos que 12 foron despedidos e 13 trasladados á cidade de Vigo.
O goberno local de Pontevedra aprobou en pleno de xullo de 2013 considerar a TVG como "medio de comunicación partidista e hostil" co municipio. E a deputada do BNG preguntou ao director xeral da CRTVG, Alfonso Sánchez Izquierdo, que actuacións emprendera tras recibir este acordo plenario.
Sánchez Izquierdo respondeu que non se tomará ningunha medida porque o "déficit informativo do concello" está ponderado co resto da provincia.
Montse Prado replicou que se están "ninguneando" as actividades municipais e remarcou que cando sae algunha é "disfrazada de prensa rosa". E denunciou a falta "sistemática" de entrevistas ao "alcalde de Pontevedra e os concelleiros". A deputada indicou que a manifestación do Sergas non fora recollida na TVG, ao igual que os premios concedidos por entidades europeas e estatais ao concello pontevedrés polos seus plans de mobilidade urbana.
Pontevedra é a única capital galega sen delegación da TVG.
Relacionadas:
-
Pontevedra protesta pola supresión das desconexións locais na Radio Galega
Por Alejandro Espiño |
-
O BNG solicita que a delegación da radio e televisión galega volva a Pontevedra
Por Oskar Viéitez |
-
O pleno aproba por unanimidade instar á Xunta a reabrir a delegación da Radio Televisión de Galicia
Por Mónica Patxot & Anxo Lourido |
-
Instan á Xunta a que reabra a delegación da CRTVG en Pontevedra
Por Redacción |
-
Lores a Moreira sobre a capitalidade: "A área metropolitana de Vigo é un bluff. Quen dividiu a provincia foi o PP"
Por Mónica Patxot & Anxo Lourido |
-
O goberno de Poio tamén se sente discriminado pola TVG
Por Redacción |
-
O pleno de Pontevedra declara á TVG como "medio de comunicación partidista e hostil" coa cidade
Por Redacción |
-
O BNG vai queixarse no pleno do tratamento que a TVG fai sobre a cidade de Pontevedra
Por Redacción |