O colectivo 'Por un parque para perros digno' protesta cun paseo desde Campolongo ata as marismas de Alba
Por Redacción
O colectivo cidadán 'Por un parque para perros digno' volverá manifestarse cunha marcha durante este sábado 29 de marzo na que van reivindicar o seu dereito a espazos habilitados en Pontevedra.
O paseo iniciarase ás 12.00 horas fronte á igrexa de San José de Campolongo cunha pequena concentración de onde logo partirá cara á Praza da Constitución e se trasladará a través da Praza de Galicia, Augusto González Besada, Riestra, Praza de España, Arcebispo Malvar, Ponte do Burgo, Domingo Fontán para finalizar no canil das Marismas de Alba, onde queren demostrar "o insuficiente" que lles resulta este espazo.
Na Praza de España, o colectivo lerá un comunicado no que solicitarán ao Concello que se inspire "en normativas doutras cidades e comunidades nas que se establecen horarios en zonas verdes para poder soltar aos cans, sen tráfico rodado nin parque infantil, como Gafos, Alameda, Campolongo, Valdecorvos, Torrente Ballester, Illa das Esculturas ou na zona verde entre Joaquín Costa e Eduardo Pondal".
O colectivo comentan que aínda non se puxeron en contacto con eles desde que fixeron petición a alcaldía para unha reunión urxente.
Relacionadas:
-
Un cento de manifestantes reclama espazos para cans sen correa nos parques pontevedreses
Por Anxo Lourido |
-
O colectivo 'Por un parque para perros digno' solicita unha audiencia urxente co alcalde
Por Redacción |
-
O colectivo 'Por un parque para perros digno' prepara novos actos de protesta
Por Redacción |
-
Protesta baixo o lema "Un parque para cans digno"
Por Oskar Viéitez |