8M | 'Feminismo organizado, patriarcado derrotado'
Por Oskar Viéitez & Mónica Patxot
'Feminismo organizado, patriarcado derrotado', ese foi o lema da gran manifestación do 8 de marzo, Día Internacional da Muller, en Pontevedra.
A unidade marcou este acto reivindicativo que xuntou a diferentes colectivos feministas ademáis de sindicatos e partidos políticos.
Por citar algúns, nesta mobilización, convocada polo Colectivo Feminista de Pontevedra, participaron a Marcha Mundial das Mulleres, Comando Mazá, Bordadoras Transgénero, Avante LGTB+, Fulanas, os sindicatos CIG, UGT e Comisións Obreiras, e representantes do BNG, Partido Socialista.
A manifestación saíu da Praza de España e tardou algo máis dunha hora en completar o seu percorrido ata rematar no Palco da Música da Alameda, onde tivo lugar a lectura dun manifesto que comezaba sinalando que "o feminismo pontevedrés, conformado por asociacións e colectivos feministas e LGTB+, sindicatos, partidos políticos e mulleres de a pé, berra unha vez máis por aquelas que non poden berrar e polas que, querendo, non o poden facer".
"A única maneira de combater a nosa precariedade e facer ver as violencias que sufrimos cada día é organizarnos", proclamaba este manifesto.
Ademáis, nesta declaración fíxose referencia á precariedade, á discriminación e á vulnerabilidade, sobre todo das mulleres racializadas, discapacitas ou migrantes. "Ser muller galega e nacer nun contexto occidental non é sinónimo de gozar de todos os dereitos fundamentais", denunciouse.
O manifesto tamén sinalou as novas formas de explotación e os perigos das redes sociais, advertindo de que "debemos protexer ás nosas cativas desas prácticas e condenar e denunciar a estes influencers que non deixan de ser proxenetas 2.0". "O machismo reinvéntase ante as reivindicacións feministas", alertaron.
"Reivindicamos referente culturais que sirvan de exemplo para a mocidade LGTBIQA+. Sen referentes, a mocidade seguirá agochando a súa identidade", leuse neste manifesto.
O mal tempo condicionou este acto de protesta e impediu o remate que estaba previsto cunha festa na Praza de España.
Relacionadas:
-
A Policía Autonómica en Pontevedra prestou vixilancia e protección a 35 vítimas da violencia de xénero ao longo de 2023
Por Redacción |
-
8 de marzo, un día para xogar ao balonmán
Por Redacción |
-
8M | Homenaxe a cinco mulleres de Poio que contribúen a que a sociedade "avance en positivo"
Por Redacción |
-
8M | O Día da Muller conmemórase na Lama coa lectura dun manifesto institucional
Por Redacción |
-
8M | Mulleres de Sanxenxo toman a palabra para reclamar unha igualdade real
Por Redacción |
-
8M | Cerdedo-Cotobade recoñece cinco mulleres emprendedoras do municipio
Por Redacción |
-
8M | Soutomaior recuerda a María 'A das mil flores': "Moito lle tería gustado esta homenaxe"
Por Redacción |
-
8M | As mulleres farmacéuticas de Marín, exemplo de igualdade no municipio
Por Redacción |
-
8M | Bueu reivindica as súas mulleres rurais e pide que a igualdade "deixe de ser un espellismo"
Por Redacción |
-
8M | A Deputación conmemora o Día da Muller advertindo de que a igualdade "se debilita coa confrontación"
Por Oskar Viéitez & Mónica Patxot |
-
8M | Alumnas do Sánchez Cantón dan voz ao feminismo: "Hai que debilitar as masculinidades hexemónicas"
Por Alejandro Espiño & Mónica Patxot |
-
8M | A CIG reclama "un modelo social máis xusto e facernos iguais en dereitos"
Por Almu Dapena & Mónica Patxot |