Cara a cara #434: Filippo Trojano, un romano en busca dunha misteriosa pontevedresa
Ven | 20:00 | 21:35
Que motiva a un cidadán de Roma a coller un avión para desprazarse pouco máis de 48 horas a Pontevedra en busca dunha muller da que ten unha fotografía tomada na década dos 60 e algúns datos profesionais? Eses motivos relátaos o seu protagonista, Filippo Trojano, actor e fotógrafo.
Descoñece totalmente esta capital, pero sabe perfectamente por que veu aquí. Esta aventura ten como coprotagonista a unha muller, a que reflicte no cartel que colocou no centro urbano acompañado dun texto: "Son Filippo Trojano, fotógrafo de Roma e estou a tentar poñerme en contacto coa señora Carmen do Valle, restauradora, orixinaria de Pontevedra, que foi 'colega' do mesmo instituto de restauración de Roma que a miña nai, María Antonietta Gorini, nos anos 1960. Podes axudarme a atopar os seus datos de contacto? fotografia@filippotrojano.com".
Unha fotografía en branco e negro. A fotografía dunha muller sentada de perfil, nunha pose de recollemento. Igual que a muller do cadro de 'A Anunciación' de Caravaggio, pintado en 1608. Un lenzo no que a Virxe María recibe o anuncio do arcanxo San Gabriel de que vai ser a nai de Jesús... son moitas incógnitas que Filippo quere chegar a saber.
* Agradecementos a Francesco.... pola súa intervención como intérprete durante a conversación deste podcast.
Foto: Mónica Patxot
