Pontevedra negociará a celebración na cidade dun campionato de España de taekwondo
Por Alejandro Espiño
Pontevedra aposta forte polos eventos deportivos. Natación, duatlón ou tenis de mesa uníronse nas últimas semanas ao triatlón, fútbol, piragüismo ou ciclismo. E en breve, chegará o tiro con arco e o balonmán. Pero o Concello de Pontevedra puxo os seus ollos nun novo deporte: o taekwondo. Intentarán que a cidade sexa sede dun campionato de España desta modalidade deportiva.
Así o adiantou, preguntado por PontevedraViva, o alcalde de Pontevedra, Miguel Fernández Lores. ÿ un dos motivos polos que acompañará ao Mace Sport na súa viaxe a Alicante. O club pontevedrés recibirá en dita localidade levantina o Premio Nacional pola súa promoción deste deporte durante 2012. Recibirao da Federación Española de Taekwondo e cos seus dirixentes espera poder negociar o rexedor capitalino.
"Queremos que Pontevedra acolla un campionato de España", apuntou Fernández Lores quen confirmou que durante a súa estancia en Alacante "imos negociar unha competición aquí". Recordou que Galicia é a "segunda potencia" deste deporte no país e que sería unha boa forma de potenciar a súa práctica en Pontevedra. Nisto terá moito que dicir o Mace Sport, do que o alcalde destacou que "merece un recoñecemento cidadá polo seu labor".
Neste sentido, o fundador do Mace Sport, Miguel Ángel Cortegoso, que recibirá tamén este xoves a medalla de bronce ao Mérito Deportivo, explicou que desde o seu club "llevamos varios años intentando traer cosas a Pontevedra", pero recoñeceu que ata agora, sen éxito. "Casi todos los campeonatos se van para la zona de Alicante, pero esperemos que eso cambie gracias a la intervención del alcalde".
Cortegoso asegura que o Mace Sport preferiría que Pontevedra acollese un campionato de España de clubes "porque así podrían competir nuestros deportistas", pero non pecha a porta a empresas maiores. "Apostamos por un campeonato nacional, internacional o lo que sea", explicou a este portal. "Lo que tenemos claro es que queremos que venga a Pontevedra una competición importante y para ello tenemos que conseguir que confíen en nosotros".
Relacionadas:
-
Pontevedra acollerá en febreiro o Campionato de España Júnior de taekwondo
Por Diego Espiño |
-
Lores confirma a aposta de Pontevedra polo taekwondo: "temos a intención de traer un evento importante"
Por Diego Espiño |
-
A Federación Española distingue o Mace Sport co Premio Nacional pola súa promoción do taekwondo
Por Diego Espiño |