O ciclismo feminino reclama o seu espazo na cidade cun ambicioso proxecto do Farto
Por Diego Espiño
Pontevedra amplía esta tempada a súa oferta deportiva da man do Club Ciclista Farto.
O club pontevedrés, formado hai varias tempadas como escola de base, creou o primeiro equipo feminino de ciclismo na cidade nun ambisioso proxecto.
Faino coa previsión de poder participar nas principais probas do calendario nacional. "La Copa de España se va a hacer toda y después algunas vueltas. En Valencia por ejemplo estamos invitados a correr con equipos como el Movistar", explica Abel Farto, responsable do equipo xunto a Luís Méndez.
A primeira cita da Copa de España, o 8 de abril en Noja (Cantabria), supoñerá a estrea dun equipo que nace "con toda la ilusión de que salga adelante".
A formación conta na súa primeira campaña coas triatletas Joselyn e Edimar Brea, xunto Sinda Fernández, Andrea Tomé, Noelia Serrano, María Correa, Lorena Sanín e Mariña Ramos, ciclistas de categoría junior, sub-23 e elite.
O Farto reforzarase durante a tempada con corredoras da Selección Venezolana tras chegar a un acordo coa federación deste país.
Ademais do equipo feminino, a sección de estrada do clube contará con representantes nas categorías cadete e junior masculina.
Relacionadas:
-
Paso adiante do Club Ciclista Farto co seu equipo feminino
Por Redacción |
-
A familia do Club Ciclista Farto segue a medrar
Por Redacción |
-
De Pontevedra ao Lago de Castiñeiras sobre dúas rodas
Por David Arana & María López Verdial |
-
A Ruta BTT Cidade de Pontevedra prepara a que será a súa quinta edición
Por Redacción |