O Pontevedra fai oficial a saída de Bruno Rivada, que marcha ao Mirandés
Por Diego Espiño
Xa é oficial. Bruno Rivada deixou este xoves de ser xogador do Pontevedra Club de Fútbol para comprometerse co Club Deportivo Mirandés, actual segundo clasificado do Grupo II da Segunda División B.
A través dun breve comunicado o club granate confirmou o que xa era un segredo a voces, a saída do canteirán "tras acordo entre ambos os dous clubs".
Bruno, que nas últimas tempadas fora un habitual nas aliñacións titulares do equipo, quedara fóra da convocatoria no último encontro de liga, cando xa empezaba a ser unha realidade a súa marcha, e tampouco estivo presente no duelo de Copa Federación ante o Burgos.
Coa súa saída o Pontevedra queda momentaneamente cun só defensa central específico no plantel, David Golgar, á espera de que se concreten fichaxes, posto que a intención do club é incorporar a dous futbolistas para esta posición.
Esta era a cuarta tempada de xogador redondelano no primeiro equipo granate, ao que chegou no inverno da 2014/2015 tras unha cesión en Bertamiráns a tempo para colaborar no ascenso a Segunda B e no que foi gañando peso nas dúas últimas campañas na categoría de bronce.
Relacionadas:
-
Chega o central uruguaio Darío Flores, sae Etxániz
Por Diego Espiño |
-
Duelo en Toledo ante un rival directo e cun equipo de circunstancias
Por Diego Espiño |
-
O Escobedo cántabro será o rival do Pontevedra en cuartos de final da Copa Federación
Por Redacción |
-
Pibe asina co Pontevedra ata final de tempada con opción a outra
Por Diego Espiño |
-
Pibe volve ao Pontevedra como segunda fichaxe invernal
Por Diego Espiño |
-
Remontada do Pontevedra ante o Burgos (2-0) para avanzar a cuartos de final da Copa Federación
Por Diego Espiño & Mónica Patxot |
-
O Toledo prescinde de Onésimo a poucos días de recibir o Pontevedra
Por Redacción |
-
A saída de Bruno Rivada cara o Mirandés, pendente só de pequenos detalles
Por Diego Espiño |
-
Incorporar dous centrais, prioridade do Pontevedra antes do peche do mercado
Por Diego Espiño |