Jimmy deberá pasar polo quirófano e estará un mínimo de dous meses de baixa
Por Diego Espiño
Malas novas para o Pontevedra Club de Fútbol. A resonancia magnética á que foi sometido nas últimas horas Jimmy revela que sofre unha lesión de maior gravidade á esperada.
O lateral zurdo granate estará polo menos 8 semanas de baixa, segundo as primeiras estimacións dos servizos médicos.
Isto débese a que a dura entrada dun contrario no último partido de liga, ante o San Sebastián de los Reyes, produciulle unha escordadura de grao II do ligamaneto lateral interno do seu xeonllo dereito cunha "contusión ósea no condilo femoral interno e rotura do corno posterior do menisco interno", sinala o diagnóstico.
Esta última lesión, a rotura do menisco, obrigará ao futbolista para pasar polo quirófano, unha intervención mediante a técnica de artroscopia que se realizará a próxima semana, segundo informou o club granate.
Un problema por tanto para Luisito, que deberá recompoñer a súa liña defensiva coa ausencia durante polo menos dous meses do que estaba a ser o lateral esquerdo titular do equipo. David Castro sitúase agora como o único xogador especialista nesa posición, pero tamén Bruno Rivada ou mesmo Álex González poderían acomodarse a esa demarcación nos próximos partidos de liga.
Relacionadas:
-
Jimmy, operado con éxito no Hospital QuirónSalud: "Espero que en menos de 8 semanas esté ya jugando"
Por Diego Espiño |
-
Adrián León, dúbida para a próxima xornada de liga
Por Diego Espiño |
-
Cambio de dinámica dun Pontevedra serio que minimiza ao Racing de Ferrol e levanta voo (1-2)
Por Raúl Salgado |
-
A Malata, escenario de nivel para confirmar a melloría granate
Por Diego Espiño |
-
Chega o primeiro triunfo dun Pontevedra en franca melloría á conta do San Sebastián de los Reyes (3-0)
Por Ramiro Espiño & Diego Torrado |
-
Obrigados a reaccionar na visita do San Sebastián de los Reyes
Por Diego Espiño |
-
Desaparece o Pontevedra na segunda parte e os seus fallos defensivos facilitan a vitoria do Fuenlabrada (2-0)
Por Redacción |