Obxectivo cumprido para o Froiz, vencedor da Volta a Galicia con Martín Lestido
Por Redacción
O Grupo Deportivo Supermercados Froiz adxudicouse este domingo a XVI Volta a Galicia de Ciclismo por medio de Martín Lestido.
O equipo pontevedrés cumpre así un dos seus obxectivos da tempada despois de demostrar a súa fortaleza como bloque.
Lestido fíxose co liderado na primeira xornada, na que o Froiz se impuxo na crono por equipos disputada en Monforte. Desde entón, a escuadra dirixida por Evaristo Portela apostou por controlar a carreira para, cun gran traballo de equipo, impedir que callasen escapadas perigosas e que se abrisen amplas diferenzas.
Desta forma as tres etapas seguintes decidíronse ao sprint. Tamén a definitiva disputada este domingo con 130 quilómetros de percorrido e saída e chegada en Santiago de Compostela.
Foi unha xornada moi rápida, con 43,5 km/h de media na que se produciron varios escapadas pero que nunca chegaron a ter máis de 2 minutos de vantaxe ante o control do Froiz.
Ao final chegada agrupada na que Alexandr Grigorev (Deputación de León) foi o máis rápido e Lestido entrou en quinta posición, con David González sexto. Desta forma Lestido encabezou a xeral co mesmo tempo que o seu compañeiro de equipo David González e 3 segundos de renda sobre Willen Jakobus (Rías Baixas).
Para completar o seu botín o Grupo Deportivo Supermercados Froiz levou tamén a clasificación por equipos.
Relacionadas:
-
Primeiros pasos do Froiz na súa trixésima tempada no pelotón nacional
Por Redacción |
-
O Froiz é "unha bandeira para a nosa provincia", asegura Carmela Silva
Por Diego Espiño |
-
O Supermercados Froiz, o mellor equipo na historia do ciclismo galego
Por Redacción |
-
Paso importante do Froiz na Volta a Galicia ao gañar a contrarreloxo por equipos de Monforte
Por Redacción |
-
Ánimos para o Froiz antes do seu gran obxectivo da tempada, a Volta a Galicia
Por Diego Espiño |
-
RADIO.- A Playlist de Evaristo Portela "te va a gustar ...¡y lo sabes!"
Por Marisa Ciordia |