Pablo Dapena, descualificado cando rodaba en boa posición no Mundial de Longa Distancia
Por Diego Espiño
Amargo debut Pablo Dapena no tríatlon de longa distancia ao non poder concluír a súa carreira no Campionato do Mundo celebrado en Penticton, Canadá.
O triatleta pontevedrés acudía á cita, incluída na primeira edición do ITU Multisport Festival que acollerá Pontevedra en 2019, despois de prepararse a conciencia e coa intención de presentar batalla aos grandes favoritos.
Estaba a logralo, xa que rodaba nos postos cabeceiros cando os xuíces decidiron descualificalo na metade do sector ciclista por saír do carril marcado. Dapena, que asegurou estar avisado diso no 'briefing' previo de participantes, viuse obstaculizado no seu camiño polos competidores da categoría de grupos de idade.
"Asumo mi culpa y mi responsabilidad, avisado estaba del Briefing. Pero seamos realistas es una auténtica chapuza que durante 2,3 km use un arcén de 1m y en la segunda vuelta te encuentres a grupos de edad por la derecha y por la izquierda y te obliguen a frenar", explicou afectado polo sucedido.
Asumo mi culpa y mi responsabilidad, avisado estaba del Briefing. Pero seamos realistas es una auténtica chapuza que durante 2.3km use (1)
— Pablo Dapena Gonzale (@pablitopiny) 27 de agosto de 2017
...un arcén de 1m y en la segunda vuelta te encuentres a grupos de edad por la derecha y por la izquierda y te obliguen a frenar. (2)
— Pablo Dapena Gonzale (@pablitopiny) 27 de agosto de 2017
A polémica produciuse no medio do segundo sector, de 120 quilómetros en bicicleta, despois de que o pontevedrés marcase o segundo mellor tempo nos 3 quilómetros de natación.
O vencedor final no Campionato do Mundo de Tríatlon de Longa Distancia foi o canadense Lionel Sanders (5:20:36).
Relacionadas:
-
RADIO.- Pablo Dapena: "Un mundial de 70.3 es algo que me motiva"
Por Ramiro Espiño |
-
VÍDEO.- Pablo Dapena, rei nacional do tríatlon de longa distancia
Por Diego Espiño |
-
Pablo Dapena, entre os favoritos en Eivissa no Campionato de España de Longa Distancia
Por Diego Espiño |
-
Pablo Dapena logra o subcampionato de España en distancia olímpica
Por Redacción |
-
Caloroso recibimento a Pablo Dapena tras a súa decepción mundialista
Por Diego Espiño |
-
Pablo Dapena, cuarto no Campionato de España de Tríatlon Sprint
Por Redacción |
-
Emocionante vitoria de Pablo Dapena na media distancia do triatlón de Vitoria
Por Alejandro Espiño |
-
O Cidade de Lugo Fluvial lócese no peche do Nacional por Clubs de tríatlon
Por Diego Espiño & Diego Torrado |