O Descenso do Miño de piragüismo, para o Ciudad de Pontevedra
Por Redacción
A 61 edición do Descenso do Miño celebrado en Lugo tivo cor pontevedresa grazas á Escuela de Piragüismo Ciudad de Pontevedra, gañador da clasificación por equipos.
O club pontevedrés sumou dous ouros, tres pratas e dous bronces para colocarse con 974 puntos, 34 máis que o club anfitrión, o Fluvial de Lugo. Terceiro foi o Club As Torres con 850 puntos.
Entre os 32 deportistas do Ciudad de Pontevedra que participaron no Descenso destacaron Carolina García, medalla de ouro no K-1 xuvenil, e Fátima Moreira e Alejandra Manso, primeiras no K-2 cadete.
No Descenso do Miño participaron preto de 400 deportistas, nunha proba con saída en Rábade e percorrido de 17 quilómetros ata a liña de meta situada nas instalacións do Club Fluvial.
En idade senior os vencedores foron Tania Fernández (Fluvial de Lugo) e José Ramón Estevez (Náutico Pontecesures) no K-1, Bernardo Sánchez e Jesús Rodríguez (Barco) e Lorena Jubón e Carmen Villar (Fluvial de Lugo) no K-2, e Diego Romero (Breogán) no C-1.