Ouro, mínima europea e mundialista para Águeda Cons no Nacional Junior
Por Redacción
Chegaba a Xixón cun obxectivo, lograr a marca mínima que lle clasificase para os campionatos de Europa e do Mundo junior, e á primeira oportunidade conseguiuno con solvencia.
Águeda Cons fíxose co ouro nacional junior nos 800 libre cun tempo de 8:44.65, superando en máis de dous segundos á segunda clasificada, o que lle permitirá acudir ao Mundial que se celebrará en Indianápolis (EEUU).
É polo momento a gran noticia do Campionato de España Infantil e Junior que se está celebrando en Xixón, pero non a única, xa que a remuda 4x200 feminina do Galaico composto pola propia Águeda Cons xunto a Inés Gómez, Clara Otero e Nuria Erselle logrou tamén a medalla de ouro batendo ademais o record do campionato (8:27.16).
A competición non concluirá ata este martes, xornada na que Águeda buscará a súa segunda mínima mundialista, neste caso nos 400 libre.
Relacionadas:
-
Mireia Belmonte, estrela absoluta da emocionante primeira xornada do Nacional Open de natación
Por Diego Espiño |
-
Todo listo en Pontemuiños para acoller o "evento estrella de la natación española"
Por Diego Espiño |
-
Águeda Cons pecha o Campionato de España Junior coa súa segunda mínima mundialista
Por Diego Espiño |
-
Águeda Cons, ao asalto das mínimas para o Campionato do Mundo Junior
Por Diego Espiño |
-
Reforzo moral para Bea Gómez cunha medalla de prata en Marsella
Por Redacción |
-
A canteira do Galaico dá a talla en Cervo
Por Redacción |
-
Póvoa de Varzim e Castelló, escenario de bos resultados para o Galaico
Por Redacción |