Kevin Presa e Jacobo Millán, entre algodóns
Por Diego Espiño
A volta ao traballo do Pontevedra tras o importante triunfo no campo do Lealtad contou cunha ausencia notable, a de Kevin Presa.
O centrocampista granate concluíu o choque en Asturias cun forte golpe no seu nocello dereito debido a un encontrón fortuíto cun rival, unha lesión que foi reflectida no acta arbitral e que lle impediu adestrar co resto do equipo na primeira sesión semanal.
"Conto con telo o domingo", recoñece Luisito, que deberá esperar a ver como evoluciona a doenza e se lle permite adestrar o vindeiro mércores, tras a xornada de descanso habitual dos martes.
En calquera caso a de Kevin non é a única dúbida coa que contará o técnico para preparar o choque do próximo domingo (17:00 horas) ante o Valladolid B en Pasarón. A outra é a de Jacobo Millán, que xa caeu da convocatoria ante o Lealtad debido a un leve accidente de tráfico que sufriu o pasado venres cando se dirixía ao adestramento.
O de Bueu sofre unha escordadura cervical producida por unha colisión por alcance e aínda que puido exercitarse este luns, nunha sesión de recuperación para o equipo programada no campo de Príncipe Felipe, fíxoo con molestias.
O que non terá esta semana o Pontevedra é baixas por sanción, recuperando a Jacobo Trigo tras cumprir un partido de castigo por acumulación de amoestacións.
Relacionadas:
-
A temperá expulsión de Miguel lastra a un bo Pontevedra que merece máis ante Osasuna B (2-1)
Por Redacción |
-
Triunfo de triplo valor para o Pontevedra que supera ao Valladolid B (2-0) pero perde de novo a Mario Barco
Por Ramiro Espiño & Diego Torrado |
-
Con todo o plantel 'enchufado' para recibir ao Valladolid B
Por Diego Espiño |
-
O Pontevedra, ante unha xornada clave
Por Diego Espiño |
-
Gol de ouro de Mario Barco para tombar ao Lealtad (0-1) no último suspiro
Por Diego Espiño |
-
Unha 'sesión vermú' amenizará a previa do partido entre Pontevedra e Valladolid B
Por Redacción |
-
Apoio do Pontevedra á campaña de mecenado para a investigación sobre a biopsia líquida
Por Redacción |