Un circuíto homologado para a +10 Marín
Por Diego Espiño
Coa súa quinta edición ao virar a esquina a carreira popular +10 Marín Manuel Rosales Gran Premio Ence xa pensa na edición 2017, coa que pretende dar un salto de calidade homologando o seu circuíto.
Así o recoñeceu na presentación da presente edición Carlos de la Torre xa que "sería bonito para Marín y así intentaríamos traer campeonatos gallegos y hacer una prueba global, tanto popular como federada", asegurou.
A proba celebrará o seu quinto ano de vida o vindeiro sábado 30 de xullo, coa saída da carreira absoluta ás 22:00 horas desde a Avenida de Ourense dirección Pontevedra, chegando ata Estribela para dar volta, introducirse na Escola Naval e concluír na Rúa Almuiña.
"El entrar en la Escuela Naval y que los corredores puedan hacer un tramo por aquí más todo el circuito urbano permite que corredores y público la convierta un poco en un referente", sinalou respecto diso a alcaldesa de Marín, María Ramallo.
A inscrición manterase aberta ata este mércores 27 de xullo, esperando a organziación a presenza de preto de 800 deportistas entre a categoría absoluta e as probas de menores, que se disputarán desde as 21:00 horas.