María Lago, primeira renovación no Arxil
Por Redacción
Unha das pezas crave do Arxil nas últimas tempadas continuará no equipo. Trátase da escolta María Lago, que se converteu na primeira renovación do club pontevedrés para a tempada 2016-2017. Será a súa sexta tempada no Arxil.
Aos seus 23 anos e cos seus 1.75 metros, a xogadora do Porriño asinou durante a pasada tempada 11,7 puntos, 4,1 rebotes, 2,7 asistencias e 2,8 roubos por partido, cunha valoración media de 9,9 puntos por encontro.
A propia María Lago apunta que pertencer un ano máis ao Arxil e continuar xogando en Pontevedra "é unha honra para min", dado que "renovar é unha gran alegría, porque significa que tanto o club como eu terminamos a tempada satisfeitos e queremos seguir loitando o próximo ano".
A escolta ten claro que fai dúas campañas "puxemos o listón moi alto" ao clasificarse para a fase de ascenso e "parece que a pasada foi mala e non é así", xa que o equipo tivo numerosos problemas con xogadoras importantes no equipo. "Estou segura de que este ano tamén seremos un equipo competitivo que loitará por estar o máis arriba posible", asegura.
Pola súa banda, o técnico do conxunto verde, Lino Vázquez, considera a renovación de María Lago como un "paso importante" para o club tanto pola súa importancia na cancha, sendo unha das referentes do equipo a tempada pasada, como pola súa condición de xogadora local, un aspecto "no que queremos seguir incidindo durante as próximas tempadas".
O Arxil continúa traballando para perfilar o seu plantel canto antes e asegura que as negociacións neste sentido xa están moi avanzadas.
Relacionadas:
-
O Arxil ficha á base venezolana Waleska Pérez
Por Diego Espiño |
-
Carla Fernández, terceira renovación no Arxil
Por Redacción |
-
Nova renovación no Arxil: Ana Román seguirá un ano máis no club
Por Redacción |
-
O Arxil pon en marcha as probas de acceso para a súa canteira
Por Redacción |
-
O Arxil quere loitar polo ascenso
Por Redacción |
-
Primeira rolda de contactos no Arxil para renovar ao plantel
Por Redacción |