Que viva o tríatlon!
Por Diego Espiño & Diego Torrado
Un ano máis Pontevedra sitúase no centro do tritalón nacional, grazas esta vez á disputa da Copa do Rei e da Raíña.
Nunha espléndida xornada deportiva, só embazada nas súas dúas últimas horas pola aparición da choiva, máis dun milleiro de deportistas de clubs procedentes de toda a xeografía española deron colorido e nivel á cita.
A contorna da ponte dos Tirantes foi un constante ir e vir de deportistas e afeccionados durante todo o día, desde que ás 13:00 horas a categoría escolar daba o pistoletazo de saída.
Cun rechamante formato, a modo de contrarreloxo por equipos no que valía o tempo do cuarto compoñente, as escuadras foron tomando a saída cada minuto.
Entre os grandes triunfadores situouse o Tríatlon Ferrol, vencedor da categoría elite feminina (1:09:13) superando por apenas 4 segundos ao Cidade de Lugo Fluvial (1:09:17) e en 6 ao CN Montjuic (1:09:19), segundo e terceiro respectivamente.
Na categoría absoluta masculina o gañador foi o Universidad de Alicante (57:53), seguido no podio por Cidade de Lugo Fluvial (58:58) e Diablillo de Rivas (59:26).
Completaron o palmarés da competición o Saltoki Trikideak, gañador escolar feminino, Montilla-Córdoba Tríatlon na categoría escolar masculina, e Diablillos de Rivas nas open feminina e masculina.
Consulta aquí os resultados da Copa do Rei e da Raíña.
A competición en Pontevedra continúa este domingo coa disputa do Campionato de España por Remudas.
Relacionadas:
-
16 anos de aposta polo tríatlon
Por Diego Espiño |
-
O Casino Mercantil súmase ao tríatlon
Por Redacción |
-
Espectacular peche de festa do tríatlon co Campionato de España por Remudas
Por Diego Espiño & Diego Torrado |
-
Debut especial para o Motobike Galaico na Copa do Rei de tríatlon
Por Redacción |
-
A Copa do Rei de tríatlon activa un amplo operativo de tráfico en Pontevedra
Por Redacción |
-
Inscrición de "gran nivel" para a Copa do Rei e da Raíña de tríatlon
Por Diego Espiño |