Unha enfermidade pon en perigo a participación de Gómez Noya no Mundial 70.3, onde defende título
Por Redacción
Antes de intentar conseguir o seu quinto título mundial en distancia olímpica, que debe confirmar o 19 de setembro na Gran Final de Chicago, Javi Gómez Noya pretendía revalidar outro entorchado mundial, o de media distancia, un obxectivo que se complicou os últimos días por culpa dunha enfermidade.
Tras gañar nas Series Mundiais de Estocolmo, o galego viuse obrigado a permanecer varios días en cama, o que pon en dúbida a súa participación o próximo domingo 30 de agosto no Campionato do Mundo Ironman 70.3 que se disputa en Zell Am See-Kaprun, Austria.
Alí Gómez Noya esperaba repetir a actuación que hai un ano o levou a dominar unha competición que se disputa nun percorrido de 1.900 metros de natación, 90 quilómetros de ciclismo e 21,1 finais de carreira a pé.
Non obstante esta enfermidade convérteo en dúbida para a competición, aínda que como el mesmo recoñeceu a través da súa conta de twitter, xa se encontra mellor e retomou os adestramentos asegurando que fará "todo lo posible por estar en la línea de salida el domingo".
Me puse enfermo tras Estocolmo y llevo unos días en cama. Hoy por fin me encuentro mejor y saldré a entrenar un poco suave. Haré todo (1/2)
— Javi Gomez Noya (@Jgomeznoya) August 27, 2015
Lo posible por estar en la línea de salida el domingo en el mundial 70.3 y, por supuesto,ser competitivo. Gracias a todos por el apoyo (2/2)
— Javi Gomez Noya (@Jgomeznoya) August 27, 2015
Relacionadas:
-
Nova xesta de Javi Gómez Noya: tras varios días enfermo queda terceiro no Mundial de Ironman 70.3
Por Alejandro Espiño |
-
Javi Gómez Noya gaña en Estocolmo e queda a un paso do seu quinto Mundial
Por Redacción |
-
As ausencias en Estocolmo achegan o quinto título mundial para Javi Gómez Noya
Por Diego Espiño |
-
Gómez Noya vese "con opcións de volver gañar o Mundial e non o vou desaproveitar"
Por Diego Espiño |
-
Recital de Gómez Noya no test olímpico de Río de Janeiro
Por Redacción |